"علشان متنضربش على قفاك " الفصل الثالث

"علشان متنضربش على قفاك " الفصل الثالث

 مقدمه لابد منها :-

·        فى الفصول التاليه نقدم لحضراتكم ملخص لبعض الافكار التى وردت فى كتاب العقيد عمر عفيفى عن كتابه " علشان متنضربش على قفاك " له منا كل الشكر والتقدير والاحترام , وايضا بعض المواثيق الدوليه لحقوق الانسان .

·        يعنى ببساطه إزاى محدش يلهف حقك , وتعرف كويس ايه اللى ليك وإللى عليك فى مركز الشرطه وتعرف حقوقك التى يكفلها لك  الدستور والقانون  ..

·        يعنى من غير مقدمات كتيره تعمل ايه لو حد وقفك فى الشارع وقالك بطاقتك , وكمان لو حاول يفتشك تعمل ايه , وكمان لو حاول ياخدك على القسم تروح معاه ولا لا وايه حقوقك وصلاحياته  .

·        يعنى ببساطه هتتصرف ازاى لو حد من الشرطه جه وخبط على باب بيتك ده لو مكانشى اتكسر وقالك عندنا امر بالتفتيش ...هتعمل ايه ؟ ... هتعمل ايه ؟  لو كان فتش وتعنت فى تكسير محتويات البيت .. أو انك اكتشفت ان فلوس او شئ ثمين أختفى بعد التفتيش هتعمل ايه ؟؟ ... كمان إذن التفتيش شكله إيه ومختوم ولا لا

·         تعمل ايه لو حاول حد يفتش بنتك او زوجتك تفتيش زاتى ... وهتعمل ايه ؟ لو اخذ امك او بنتك مكانت لحد ما ترجع وتسلم نفسك ليهم .

·        وكمان مين من حقه يشوف رخصه القياده ومين من حقه يسحبها .. وهل لازم  تاخذ ايصال بالرخصه .

·        هتتصرف إزاى  لو حد إتحرش  باسرتك او باختك او زوجتك أو بنتك ..

·        تعمل ايه لو حد من الشرطه شتمك او ضربك او أهانك ...وهتعمل ايه ؟ لو حاول يلفق ليك تهمه مثلا يعنى حاول يتهمك بانك حرضت على بناء سد النهضه أو انك مسؤل مسؤليه كامله عن تغير المناخ على كوكب الارض مثلا يعنى !!!!

·        ماذا تعرف عن  حقوقك فى قسم الشرطه ... وازاى تعمل محضر لضابط شرطه معتدى

·        هتتصرف ازاى  ؟ لو احد اقرباءك مات جوه القسم من الدلع والرفاهيه اللى شافهم  وإزاى تجيب حقه ؟

·        اكيد سمعت عن حقوق الانسان .. وطبعا الكلام ده مش للى لابسين بدل وكرافتات واللى عارفين حقوقهم قوى .. وعلشان كده معمولهم الف حساب لقفــــاهــــم ... لكن كلامنا للناس الغلابه اللى مش عارفه حقها فين .. ولازم تعرفه بالضبط علشان لو مدورتش على حقك وسعيت له لان تجد من يسعى لك فى حقك , فلا تلوم إلا نفسك , لان زى المال السايب ما بيعلم السرقه كذالك الحق السايب يعلم الفساد والفرعه للطرف الاخر .

·       كمان برضو نشكر رجال الشرطه على اللى بتعمله كتير منهم بيضحوا بحياتهم علشانك انت وبيتك تعيشوا فى سلام ... يعنى ببساطه أنت هتكون مبسوط لو شفت الشرطى وهو بيعاقب الجانى او المجرم او المتحرش باسرتك او احد البلطجيه .. وهتكون مبسوط اكتر لو شفت الشرطى وهو بيجيبلك حقك  وبيعاقب الجانى ..بس ياريت حضره الضابط يفرق بين الصالح والطالح....

ثالثا :- أخلاقيات الشرطه واستعمال القوه :-

هناك عدد من الصكوك التى تتناول المسؤليه الفرديه لموظفى الشرطه وهى كالتالى :-

إتفاقيه مناهضه التعذيب (الفقره3) لا يجوز التذرع بالاوامر الصادره عن موظفين أعلى مرتبه أو عن سلطه عامه كمبرر للتعذيب "... وينطبق هذا الحكم على اى موظف عمومى أو أى شخص يعمل بصفته الرسميه .

مدونه لقواعد سلوك الموظفين المكلفين بإنفاذ القوانين ( الماده 5 ) لا يجوز لاى موظف من الموظفين المكلفين بإنفاذ القوانين بأن يتذرع بأوامر عليا لتبرير التعذيب .

المبادئ الاساسيه بشان أستخدام القوة والاسلحه الناريه من جانب الموظفين المكلفين بإنفاذ القوانين –

·        مبدأ رقم (24) بأن تضمن الحكومات وهيئات إنفاذ القوانين إالقاء المسؤليه على كبار الموظفين إذا كانوا على علم , أو كان يتوجب عليهم أن يعلموا , بأن الموظفين المكلفين بإنفاذ القوانين العاملين تحت إمرتهم يلجؤون أو لجاوا الى الاستخدام غير المشروع للقوه أو الاسلحه الناريه دون أن يتخذوا كل ما فى وسعهم إتخاذه من تدابير لمنع هذا الاستخدام أو وقفه أو الابلاغ عنه .

·        مبدأ رقم (26) على ان الامتثال لأوامر الرؤساء لا يدفع به إذا كان موظفوا الشرطه يعلمون أن الامر باستخدام القوة والاسلحه الناريه الذى يؤدى الى وفاة شخص أو إصابته إصابه بالغه هو أمر غير قانونى على نحو واضح وإذا كانت لديهم فرصه معقوله لرفض تنفيذه . وتقع المسؤليه أيضا على كبار الموظفين الذين تصدر عنهم الاوامر الغير قانونيه .

إذا اعجبتك هذه المقاله  يرجى مشاركتها مع الاخريين حتى تعم الفائده , فالشمعه لا تخسر شيئا حينما تشعل شمعه أخرى .