"علشان متنضربش على قفاك " الفصل الثانى

"علشان متنضربش على قفاك " الفصل الثانى

مقدمه لابد منها :-

·        فى الفصول التاليه نقدم لحضراتكم ملخص لبعض الافكار التى وردت فى كتاب العقيد عمر عفيفى عن كتابه " علشان متنضربش على قفاك " له منا كل الشكر والتقدير والاحترام , وايضا بعض المواثيق الدوليه لحقوق الانسان .

·        يعنى ببساطه إزاى محدش يلهف حقك , وتعرف كويس ايه اللى ليك وإللى عليك فى مركز الشرطه وتعرف حقوقك التى يكفلها لك  الدستور والقانون  ..

·        يعنى من غير مقدمات كتيره تعمل ايه لو حد وقفك فى الشارع وقالك بطاقتك , وكمان لو حاول يفتشك تعمل ايه , وكمان لو حاول ياخدك على القسم تروح معاه ولا لا وايه حقوقك وصلاحياته  .

·        يعنى ببساطه هتتصرف ازاى لو حد من الشرطه جه وخبط على باب بيتك ده لو مكانشى اتكسر وقالك عندنا امر بالتفتيش ...هتعمل ايه ؟ ... هتعمل ايه ؟  لو كان فتش وتعنت فى تكسير محتويات البيت .. أو انك اكتشفت ان فلوس او شئ ثمين أختفى بعد التفتيش هتعمل ايه ؟؟ ... كمان إذن التفتيش شكله إيه ومختوم ولا لا

·         تعمل ايه لو حاول حد يفتش بنتك او زوجتك تفتيش زاتى ... وهتعمل ايه ؟ لو اخذ امك او بنتك مكانت لحد ما ترجع وتسلم نفسك ليهم .

·        وكمان مين من حقه يشوف رخصه القياده ومين من حقه يسحبها .. وهل لازم  تاخذ ايصال بالرخصه .

·        هتتصرف إزاى  لو حد إتحرش  باسرتك او باختك او زوجتك أو بنتك ..

·        تعمل ايه لو حد من الشرطه شتمك او ضربك او أهانك ...وهتعمل ايه ؟ لو حاول يلفق ليك تهمه مثلا يعنى حاول يتهمك بانك حرضت على بناء سد النهضه أو انك مسؤل مسؤليه كامله عن تغير المناخ على كوكب الارض مثلا يعنى !!!!

·        ماذا تعرف عن  حقوقك فى قسم الشرطه ... وازاى تعمل محضر لضابط شرطه معتدى

·        هتتصرف ازاى  ؟ لو احد اقرباءك مات جوه القسم من الدلع والرفاهيه اللى شافهم  وإزاى تجيب حقه ؟

·        اكيد سمعت عن حقوق الانسان .. وطبعا الكلام ده مش للى لابسين بدل وكرافتات واللى عارفين حقوقهم قوى .. وعلشان كده معمولهم الف حساب لقفــــاهــــم ... لكن كلامنا للناس الغلابه اللى مش عارفه حقها فين .. ولازم تعرفه بالضبط علشان لو مدورتش على حقك وسعيت له لان تجد من يسعى لك فى حقك , فلا تلوم إلا نفسك , لان زى المال السايب ما بيعلم السرقه كذالك الحق السايب يعلم الفساد والفرعه للطرف الاخر .

·       كمان برضو نشكر رجال الشرطه على اللى بتعمله كتير منهم بيضحوا بحياتهم علشانك انت وبيتك تعيشوا فى سلام ... يعنى ببساطه أنت هتكون مبسوط لو شفت الشرطى وهو بيعاقب الجانى او المجرم او المتحرش باسرتك او احد البلطجيه .. وهتكون مبسوط اكتر لو شفت الشرطى وهو بيجيبلك حقك  وبيعاقب الجانى ..بس ياريت حضره الضابط يفرق بين الصالح والطالح....

ثانيا :- السلوك الاخلاقى والقانونى للشرطة

المبادئ الاساسيه :-

·       تستمد حقوق الانسان من الكرامه المتاصله فى الشخص الانسانى .

·       يحترم الموظفون المكلفون بانفاذ القوانين الكرامه الانسانيه ويحمونها ويحافظون على حقوق الانسان

الماده 1- تقتضى من الموظفين المكلفين بانفاذ القوانين ( اىجميع الموظفين المسؤلين عن تنفيذ القانون ) أن يؤدوا الواجب الذى يلقيه القانون على عاتقهم .

الماده 2- تقتضى ان يحترم الموظون المكلفون بانفاذ القوانين , أثناء قيامهم بواجباتهم الكرامه الانسانيه ويحمونها , ويحافظون على حقوق الانسان لكل الاشخاص ويوطدونها .

الماده 3- تقتضى بانه لا يجوز للموظفين المكلفون بانفاذ القوانين , استعمال القوة إلا فى حاله الضروره القصوى وفى الحدود اللازمه لاداء واجبهم .

الماده 4- تقتضى أن يحافظ الموظفون المكلفون بانفاذ القوانين على سريه ما فى حوزتهم من أمور ذات طبيعه سريه .

الماده 5- الحظر المطلق للتعذيب او غيره من ضروب إساءه المعامله . كما تنص هذه الماده على انه لا يجوز لاى من الموظفين المكلفين بإنفاذ القوانين أن يتذرع بأوامر عليا أو بظروف أستثنائيه كحاله الحرب أو إحاقه الخطر بالامن القومى لتبرير التعذيب  .

الماده 6- تقتضى أن يسهر الموظفين المكلفين بإنفاذ القوانين على الحمايه التامه لصحه الاشخاص المحتجزين فى عهدتهم .

الماده 7- تقتضى أن يمتنع الموظفين المكلفين بإنفاذ القوانين عن إرتكاب أى فعل من أفعال إفساد الذمه .

إذا اعجبتك هذه المقاله  يرجى مشاركتها مع الاخريين حتى تعم الفائده , فالشمعه لا تخسر شيئا حينما تشعل شمعه أخرى .