عام جديد، لا أعلم ما يخفيه لكني أثق بمن يدبره

عام جديد، لا أعلم ما يخفيه لكني أثق بمن يدبره

Read More

وظائف عام 2016 لشركه مياه الشرب والصرف الصحى بالمنيا

نشرت الصفحة الرسمية لمياه الشرب والصرف الصحي بالمنيا إعلان وظائف خالية اليوم الثلاثاء 29 ديسمبر 2016، حيث أوضح القطاع حاجته لعدد من التخصصات من خريجي كليات الهندسة ومؤهلات أخرى متنوعة وفنيين وحاصلين على دبلوم تجارة وإليكم صورة الإعلان.

اعداد وظائف شركة المياه المطلوبة 2015 – 2016

حيث نشر الموقع الرسمي اعلان رقم 3 لسنة 2015 عن احتياجه لوظائف شاغرة كالتالي:

·         عدد 40 وظيفة مهندس بتخصصات مختلفة.

·         عدد 20 إداري مؤهلات عليا تخصصات مختلفة.

·         عدد 90 فني صيانة وتشغيل ميكانيكا ( خراطة ، لحام ، سيارات ، وغيره ).

·         عدد 90 عامل عادي.

·         عدد 40 فرد أمن.

·         عدد 20 أعمال سكرتارية دبلوم تجارة وفني وصنايع.

·         سيتم عمل عقود مؤقتة للمقبولين بوظائف شركات المياه والصرف الصحى لمدة 3 شهور تحت الاختبار وبعدها سيتم البت فى تثبيت هذه العقود.

الشروط وظائف المهندسين بشركة المياة بالمنيا

·         الا يزيد العمر عن 40 عام

·         حاصل على بكالوريوس هندسة من أحد الجامعات المصرية ومن الأفضل ان يكون حاصل على تقدير مرتفع

·         الاشتراك فى نقابة المهندسين

·         أدى الخدمة العسكرية أو معفى منها

·         اجادة استخدام الكومبيوتر

الشروط الواجب توافرها لخريجي المؤهلات العليا الأخرى

·         ألا يزيد العمر عن 35 عام

·         حاصل على بكالوريوس أو ليسانس من أحدى الجامعات المصرية

·         يجيد استخدام الحاسب الآلي

·         الانتهاء من الخدمة العسكرية أو الحصول على شهادة معافاة نهائية

شروط عامة فى مسابقة وظائف المياه والصرف الصحي بمحافظة المنيا

·         أن يكون من قاطني محافظة المنيا مثل ما هو مدرج ببطاقة الرقم القومي السارية

ان يقبل العمل فى أى موقع بالشركة

·         يتم التعيين حسب الترتيب النهائي فى نتيجة الاختبارات التى سيتم عقدها للمتقدمين لجميع الوظائف الخالية، وفى حالة تساوى الدرجات سيتم التقييم على حسب الأعلى مؤهلا ثم الأقدم تخرجا ثم الاكبر سنا وتأدية الخدمة العسكرية.

·         موعد التقديم بداية من يوم 29 ديسمبر ولمدة 14 يوما حتى 12 يناير 2016 عبر الموقع الرسمي لشركة مياه الشرب والصرف الصحي عبر اللينك التالي: http://www.mdwsc.com.eg

·         ستكون الامتحانات بواسطة لجنة مكونة من الشركة القابضة لمياه الشرب بمحافظة المنيا.

·         يتم التقديم لوظيفة واحدة فقط، وفى حالة التقدم لأكثر من وظيفة سيعتبر التقدم لاغيا

·         التقديم لوظائف شركة مياه الشرب من خلال موقع السالف ذكره فقط، وسيتم تحديد موعد الاختبارات لاحقا.

http://www.mdwsc.com.eg  

Read More

حلول بسيطه لمشكله تسريب الامتحان

حلول بسيطه لمشكله تسريب الامتحان

أحدث اساليب الغش وتسريب الامتحانات و طرق القضاء عليها

The latest examination leak methods and methods of elimination methods

مع اقتراب موسم الامتحانات نسمع ونقرا  كثيرا فى الصحف ووسائل الاعلام  عن تسريب الامتحانات ولا يوجد وقت كافى لتغيير الامتحان , فنموزج الامتحان  طبع بالفعل وتم توزيعه على جميع انحاء الجمهوريه ....

وطبعا من الصعب معرفه من هو الشخص الذى سرب الامتحانات فالبعض يشكره على انه انقذ ابنه اويصفونه  بالفدائى وقد قام بدور عظيم سيشكره الطلاب عليه ..  ولكن معظم الناس يذمونه لانه اضاع مجهود العديد من الطلاب فى المذاكره طوال العام ومصاريف الدروس وساعد الفاشلين والمهملين على تبؤ مناصب والتخرج من كليات غير جديرين بها  ويشعر الجميع بالاستياء من اجهزه الدوله فى فشلها فى التصدى لتلك التسريبات المتلاحقه .

واعرض على حضراتكم بعض الصور المعبره عن حالات الغش الفرديه المنتشره فى جميع انحاء العالم  حتى تعم الفائده فالطالب الفاشل الذى يصمم على السرقه وعدم الامانه يستفيد , والمدرس والمراقب الذى يدعى عدم معرفته طرق الغش يتدارك  طرق الغش الحديثه ويتمكن من كشف السارق بسهوله .... 

مثال واضح للتضحيه اخوه بيمتحن فى الدور الرابع ولازم يوصله الاجابه ؟؟

نظاره متطوره ترسل الصوره ثم تستقبل الاجابه عن طريق السماعات 

طريقه استخدام الموبايل باحتراف 

قلم يحتوى على ملخص لربع المنهج وطبعا اكيد هلاقيه معاه اربع اقلام اخلاى 

سماعه صغيره متصله بالموبايل لاسلكى مع الطرف الاخر

التليمذ المجتهد من يترقب الفرصه المناسبه 

علبه عصير ترجع الذاكره وقت الامتحانات 

فوائد رقبه الظرافه 

جارى الغشل يرجى الانتظار 

الساعه الورقيه  إختراع ظهر بعد الساعه الشمسيه والساعه الروليه 

وطبعا الموبايل اللى لو كان معاك فى الامتحان هتمل بحث عن السؤال والاجابه بعد ثانيه  يعنى هتحط المنهج كله PDF او Word 

طبعا لسه بدرى علشان نوصل لده 

ويعجبنى بعض الطلاب الامناء ( الامين فى القليل ... أمين أيضا فى الكثير )  الذين يرفضون الغش الموجود فى لجان الامتحانات عن طريق المدرسين ... ويقومون بالاتصال بارقام تليفونات تخصصها الوزاره للابلاغ عن حالات الغش .

ثانيا طرق القضاء على ظاهره تسريب امتحانات الثانويه العامه والشهادات:-

الطريقه الاولى :- اهم الطرق العمليه التى شاهدتها فى بعض الجامعات المصريه ... أن الامتحان مكون من أكثر من نموزج إمتحان  , موزعه بالتساوى على المنهج كله وجميع النماذج فى مستوى واحد ولكن الاسئله مختلفه   ( نموزج (أ) – نموزج (ب) – نموزج ( ج) – نموزج ( د) – نموزج( م) – نموزج (و) .

والطالب فى الامتحان يحصل عل نموزج (أ) والطالب المجاور له نموزج (ب) وهكذا بحيث يجد كل طالب انه فى حاله ولن يساعده أحد  فنموزج الاسئله مختلف كليا عن الطالب المجاور له وهكذا ....

 فلنفترض أن  نموزج ما تم تسريبه  او نفترض أسوأ الظروف أن  جميع النماذج 5 نماذج تم تسريبها ...  فلنفكر بعقل فنجد ان جميع النماذج تشمل كامل المنهج .....وبالتالى فإن الطالب الذى حصل على الامتحان المسرب لابد أن يذاكر كامل المنهج ...

وكذالك فلنفترض أن  الطالب حصل على نموزج  مسرب  لا يهم لا يهم لا يهم ولا داعى للقلق  لانه فى اللجنه لن يعرف ما هو النموزج الذى سوف يحصل عليه ....

الطريقه الثانيه :- شكرخاص لجهود الوزاره  فى غلق صفحات الغش الالكترونيه   ... ولكن هناك راء اخر ان هذه الصفحات الالكترونيه كان من الممكن استغلالها لتعمل فى صالح الوزاره  أى أنه يمكن أن  يتم تسريب صوره وهميه  او مزيفه من الامتحان  ويتم نشرها على جميع صفحات الغش الالكترونيه  ...ثم بعد ذلك يتم نشر صوره أخرى وهميه ومزيفه  ... وبعد ساعه اخى يتم نشر صوره وهميه أخرى  اخر بعنوان الامتحان الاصلى للغد ...وهكذا سوف تجد أن جميع الطلاب تشتتوا فى أى النماذج الصحيحه ... وبالتالى تفقد هذه الصفحات مدى مصداقيتها لدى الطالب .

المهم فى هذه الخطوه أن تتم مبكرا قبل طباعه ورقه الامتحان فى المطابع او قبل توزيع الامتحانات على المدارس المهم أن يتم نشر العديد من النماذج , فى حاله اذا تم تسريب الامتحان بالفعل ... وبالتالى سوف تشتت الطلبه وتفقد الثقه فى تلك الصفحات .  

فيجب ان يتم عمل العديد من النماذج الوهميه  شامله لكامل المنهج ونشرها على تلك الصفحات والامتحان الفعلى بعيد كل البعد عن الشائعات التى تم الترويج لها ... ولابد ان يكون هناك شخص محترف يساعد على ترويج نماذج الامتحان المزيفه .... .... حتى تفقد المصداقيه لدى المعتمدين على صفحات الغش الالكترونيه  .

فلو اغلقت الوزاره الصفحات سوف يتم عمل غيرها ... وسوف تنتشر باسرع ما يمكن ....  وهناك برامج هاكر يصعب تعقب مصدرها .

الطريقه الثالثه:-
من المعروف انه يتم تسريب الامتحانات فى فتره طباعه اسئله الامتحان او فى فتره توصيل الاوراق المطبوعه الى المدارس , لذا يفضل الغاء تلك الاجراءات الطويله , بحل بسيط وهو ان الامتحان يخزن على موقع الوزاره الرسمى مع اغلاق ورقه الاسئله برقم سرى الكترونى , ويوم الامتحان يتم دخول جميع روساء المدارس على شبكه الانترنت وادخال الرقم السرى وتطبع نمازج الاسئله قبل الامتحان بنصف ساعه فقط , وبالتالى نتاكد انه من الصعوبه تسريب الامتحان اذا اعتمدنا على التكنولوجيا .

ارجو دارسه تلك الافكار وتطبيقها إذا كانت عمليه ويسهل تنفيذها ... حتى لا يضيع تعب وجهد من جد واجتهد مع من أهمل وسرق الامتحان فى اخر ساعه .

إذا اعجبتك هذه المقاله  يرجى مشاركتها مع الاخريين حتى تعم الفائده , فالشمعه لا تخسر شيئا حينما تشعل شمعه أخرى .

Read More

"علشان متنضربش على قفاك " الفصل الرابع

"علشان متنضربش على قفاك " الفصل الرابع

مقدمه لابد منها :-

·        فى الفصول التاليه نقدم لحضراتكم ملخص لبعض الافكار التى وردت فى كتاب العقيد عمر عفيفى عن كتابه " علشان متنضربش على قفاك " له منا كل الشكر والتقدير والاحترام , وايضا بعض المواثيق الدوليه لحقوق الانسان .

·        يعنى ببساطه إزاى محدش يلهف حقك , وتعرف كويس ايه اللى ليك وإللى عليك فى مركز الشرطه وتعرف حقوقك التى يكفلها لك  الدستور والقانون  ..

·        يعنى من غير مقدمات كتيره تعمل ايه لو حد وقفك فى الشارع وقالك بطاقتك , وكمان لو حاول يفتشك تعمل ايه , وكمان لو حاول ياخدك على القسم تروح معاه ولا لا وايه حقوقك وصلاحياته  .

·        يعنى ببساطه هتتصرف ازاى لو حد من الشرطه جه وخبط على باب بيتك ده لو مكانشى اتكسر وقالك عندنا امر بالتفتيش ...هتعمل ايه ؟ ... هتعمل ايه ؟  لو كان فتش وتعنت فى تكسير محتويات البيت .. أو انك اكتشفت ان فلوس او شئ ثمين أختفى بعد التفتيش هتعمل ايه ؟؟ ... كمان إذن التفتيش شكله إيه ومختوم ولا لا

·         تعمل ايه لو حاول حد يفتش بنتك او زوجتك تفتيش زاتى ... وهتعمل ايه ؟ لو اخذ امك او بنتك مكانت لحد ما ترجع وتسلم نفسك ليهم .

·        وكمان مين من حقه يشوف رخصه القياده ومين من حقه يسحبها .. وهل لازم  تاخذ ايصال بالرخصه .

·        هتتصرف إزاى  لو حد إتحرش  باسرتك او باختك او زوجتك أو بنتك ..

·        تعمل ايه لو حد من الشرطه شتمك او ضربك او أهانك ...وهتعمل ايه ؟ لو حاول يلفق ليك تهمه مثلا يعنى حاول يتهمك بانك حرضت على بناء سد النهضه أو انك مسؤل مسؤليه كامله عن تغير المناخ على كوكب الارض مثلا يعنى !!!!

·        ماذا تعرف عن  حقوقك فى قسم الشرطه ... وازاى تعمل محضر لضابط شرطه معتدى

·        هتتصرف ازاى  ؟ لو احد اقرباءك مات جوه القسم من الدلع والرفاهيه اللى شافهم  وإزاى تجيب حقه ؟

·        اكيد سمعت عن حقوق الانسان .. وطبعا الكلام ده مش للى لابسين بدل وكرافتات واللى عارفين حقوقهم قوى .. وعلشان كده معمولهم الف حساب لقفــــاهــــم ... لكن كلامنا للناس الغلابه اللى مش عارفه حقها فين .. ولازم تعرفه بالضبط علشان لو مدورتش على حقك وسعيت له لان تجد من يسعى لك فى حقك , فلا تلوم إلا نفسك , لان زى المال السايب ما بيعلم السرقه كذالك الحق السايب يعلم الفساد والفرعه للطرف الاخر .

·       كمان برضو نشكر رجال الشرطه على اللى بتعمله كتير منهم بيضحوا بحياتهم علشانك انت وبيتك تعيشوا فى سلام ... يعنى ببساطه أنت هتكون مبسوط لو شفت الشرطى وهو بيعاقب الجانى او المجرم او المتحرش باسرتك او احد البلطجيه .. وهتكون مبسوط اكتر لو شفت الشرطى وهو بيجيبلك حقك  وبيعاقب الجانى ..بس ياريت حضره الضابط يفرق بين الصالح والطالح....

رابعا :- التوقيف (التــــــحرى) :-

·       ماذا يعنى التحرى ؟ التوقيف التحرى ؟

مافيش حاجه اسمها حد يقبض عليه أو يتحبس على زمه تحريات ضابط الشرطه او بمزاجه ... لكن من حق الشرطه توقف الناس اللى بيحطوا نفسهم فى مواقف الشك والريبه . ...ومن حق ضابط الشرطه يسالك عن أسمك وعنوانك واريح فين وجى منين علشان يتاكد من شخصيتك .. لكن مش من حقه يخده على القسم ولا يقبض عليه أو يفتشه أو يستعمل معاه القوه أو يمس كرامته او يعتدى على حريته .

·       اعمل ايه لو حد من الشرطه وقفنى وقاللى إحنا مشتبهين فيك ؟

قانون الاشتباه انتهى من سنه 1993 بعد ما حكمت المحكمه الدستويه بالغاء الاشتباه فى الناس , يعنى تقولها بكل ذوق وادب أن قانون الاشتباه اتلغى  ومش من حقك تاخدنى إشتباه .

                 

·       ماذا تقصد بمعنى انى احط نفسى فى موقف شك وريبه ؟

يعنى مثلا ماشى بالليل متاخر وبتحاول تفتح ابواب العربيات أو بتتفحص كوالين ابواب المحلات او شايل حاجه وبتتلفت يمين وشمال وفوق وتحت او على ملابسك اى أثار للدماء او بتحاول تجرى وتهرب لما بتسمع صوت عربيه الشرطه او واضح جدا انك سكران او بتدخن ممنوعات  او واضح انك شايل سلاح  ما  او   او .

·       ممكن اعمل ايه لو كان فى حد موصى عليا ولما طلعت البطاقه حاول ياخدنى تحرى على القسم  ؟

زى ما قلنا مافيش حاجه اسمها تحرى او يوديك على القسم لو كان شاكك فيك ممكن يتصل بالمكتب ويعرف إذا كان عليك أى احكام او عليك حكم ضبط واحضار  ( كل حاجه على الكمبيوتر ) لو كان عليك حكم يبقى من حقه يقبض عليك ويفتشك وياخدك على القسم .

·       هاتصرف ازاى لو طلبوا من اطلع اللى فى جيوبى وحاولوا يفتشونى بعد ما شافوا بطاقتى وانا راجل سليم معليش اى أحكام او مخالفات ؟

لو أنت انسان سليم ومعلكشى اى قضايا او احكام ولا ممسوك متلبس بجريمه , قوله بكل زوق حضرتك طلبت البطاقه وشفتها .. وسيادتك رجل قانون وعارف أكتر منى إن التفتيش محتاج إذن من النيابه ولو فتشتنى بدون إذن النيابه هيكون اجراء مش قانونى , وانا متاكد أن رجل القانون لا يخالف القانون أبدا .

·       ممكن اعمل ايه لو أستخدم القوه وخلى العساكر اللى معاه تمسكنى وتفتشنى بالعافيه ؟

هذا إجراء غير قانونى ومش من حقه , والضابط لو حس إنك عارف حقوقك كويس وإنك هتشتكيه للمامور ولمفتش الداخليه ... اللى طبعا مش هيوافقوا ابدا على اللى حلص معاك وإنك مش هتتنازل عن حقك ابدا مهما حصل , .....  حاول يكون معاك شهود من الناس اللى ماشيين فى الشارع وشافوا اللى حصل معاك ..

وكن حريصا ومتغلطش أو يستفزك علشان ميعملكش محضر تعدى على موظف أثناء تاديه عمله , وحينما تصل الى القسم  تعمله محضر إنه قبض عليك وفتشك وحجزك بدون وجه حق .

·       اعمل ايه لو الضابط شتمنى وركبنى البوكس بالعافيه وحجزنى  ؟

لو الضابط حس إنك رجل بتتكلم معاه بجد ومش خايف منه وانك فاهم حقوقك كويس , هيفكر كتير قبل ما ياخدك على القسم من اساسه , لكن لو خدك على القسم تطلب مقابله المامور أو نائب المامور واشرح له الموضوع وكيف تم القبض عليك وفتشك من غير داعى وبدون رضاك وبدون وجه حق وانك لجات له علشان سياته المسؤل ( رئيس القسم )  وهتلاقى المامور راجل كبير ومسئول وفاهم حقوق الناس كويس وهيحاسب الضابط اللى غلط معاك ولازم تصمم تعمل محضر باللى حصل ولو رفض عمل محضر ممكن تعمله محضر عند مفتش الداخليه فى مديريه الامن  أو تطلع على النيابه .

·       اعمل ايه لو الضابط حبسنى ظلم وبدون وجه حق   ؟

حاول تخلى أى حد من قرايبك يبعتوا تلغرافات على وزير الداخليه ولمفتش الداخليه والنائب العام ورئيس النيابه , ويقولوا فى التلغراف أنك مقبوض عليك فى القسم بدون سبب وبدون وجه حق وياريت تكتب اسم الضابط أو الامين اللى قبض عليك  ...  وهتخرج لو ماكنشى عليك اى قضايا أو احكام

·       إزاى أتصل بأهلى واول حاجه بيخدوها فى القسم التليفون  ؟

من حقك تتصل ( ماده 139  من قانون الاجراءات الجنائيه ) , او اى حد من العساكر ممكن تخليه يتصل باهلك

·       حافظ على حقوقك مش من حق أى حد إنه يهينك أو يعتدى على جسمك أو كرامتك واى حد يتجاوز حدوده مهما كان يتحاسب على غلطه فى حقك , ولازم تتمسك بحقك وتشتكى أى حد انتهك حقوقك أو اهانك أو شتمك او ضربك أو حبسك أو فتشك بدون وجه حق .

إذا اعجبتك هذه المقاله  يرجى مشاركتها مع الاخريين حتى تعم الفائده , فالشمعه لا تخسر شيئا حينما تشعل شمعه أخرى .

Read More